Eдноставен веб-базиран систем за користење, кој овозможува спроведување на јавните набавки во електронска форма во Република Северна Македонија.
ЕСЈН овозможува електронско тргување помеѓу договорните органи (набавувачите) во Република Македонија и домашните и странски економски оператори (понудувачи).
Со користење на ЕСЈН се елиминира работата со хартиени документи и се обезбедува зголемена ефикасност и економичност во спроведувањето на постапките за доделување на договор за јавни набавки.
Како резултат на сè почестото користење на електронските јавни набавки и електронските аукции во Република Македонија, се јави потреба од континуиран развој, унапредување и секојдневно одржување на апликацијата на ЕСЈН. За подобрување на функционалностите кои ги нуди апликацијата на ЕСЈН и за добивање на услуги на највисоко ниво заради поголема сатисфакција, се воведува годишна претплата за користењето на ЕСЈН.
Годишната претплата e утврдена врз основа на категоријата/големината на економскиот оператор и изнесува:
Вид на економски оператор | Износ на надоместок за една година (без ДДВ) |
Микро трговец Физички лица | 2.000 денари |
Договорни органи регистрирани како економски оператори Мал трговец Среден трговец | 5.500 денари |
Голем трговец
| 10.500 денари |
Економски оператори од странство | 170 евра |
За секоја дополнителна избрана категорија на набавка договорниот орган и економскиот оператор доплаќа по 2.500 денари, односно 40 евра за економски оператор од странство.
За да се регистрирате на системот како економски оператор кликнете тука.
После регистрацијата ќе биде генерирана профактура за која што е потребно да се изврши плаќање, по што профилот на корисникот ќе биде активиран.
За користење на Електронскиот систем за јавни набавки, договорните органи ги плаќаат следните надоместоци:
Вид на услуга | Износ на надоместок по објавен оглас или измена и дополнување на огласот (без ДДВ) |
Објавување на периодичното индикативно известување кое се користи како замена за оглас за јавна набавка, објавување оглас за јавна набавка за набавка од мала вредност, поедноставена отворена постапка, отворена постапка, ограничена постапка, конкурентен дијалог, партнерство за иновации, конкурентна постапка со преговарање, постапка со преговарање со објавување на оглас, оглас за конкурс за идејно решение и креирање на тендерска документација | 1.000 денари |
Објавување известување за измени или дополнителни информации во постапката | 1.000 денари |
Објавување на оглас за воспоставување на квалификациски систем | 10.000 денари |
Објавување на оглас за воспоставување на динамичен систем за набавки | 10.000 денари |
Објавување оглас за доделување концесии и јавно приватно партнерство | 6.150 денари |
Покрај горенаведените надоместоци, за секој избран дополнителен посебен начин на спроведување на постапката договорниот орган ги доплаќа следниве надоместоци:
Вид на услуга | Износ на надоместок по објавен оглас или измена и дополнување на огласот (без ДДВ) |
Објава и спроведување на рамковна спогодба | 500 денари |
Објава и спроведување на електронска аукција | 500 денари |
Објавување на групна набавка | 500 денари |
Тарифник за висината на надоместоците за користење на Електронскиот систем за јавни набавки: Преземи
